நிஜாமும், டோண்டுவும், சில கனவுகளும்

நேற்று 'இப்படிக்கு நிஜாம்' என்னும் பதிவர், தனது தளத்தில் 'இஸ்லாமியர்களுக்கு ஒரு அன்பு வேண்டுகோள்' என்னும் தலைப்பில் ஒரு பதிவிட்டிருந்தார். அதில் நமது தளத்தின் மீது சில குற்றச்சாட்டுக்களை முன்வைத்துள்ளார். அந்தப் பதிவில் பின்னூட்டங்களையும் வெளியிடப்போவதில்லை என்றும் அறிவித்துள்ளார். அந்தப் பதிவிற்கும், இன்னொரு பதிவிற்குமான எதிர்வினைதான் இந்தப் பதிவு.

(அந்தப் பதிவுகளில் வந்த கருத்துகள் சிகப்பு நிறத்தில் உள்ளன.)

//பதிவுலகில் கொஞ்ச நாள் தணிந்திருந்த மதவெறியை தன் முயற்சியில் சற்றும் மனம் தளராத வழக்கமான கும்பல் மீண்டும் துவக்கிவிட்டது. //

நாம் இஸ்லாம் பற்றி பதிவிட்டு 10 நாட்களுக்கு மேலாகிவிட்டன. திடீரென்று அய்யூப் என்று ஒருவர், "அந்த வெறி பிடித்த ஓநாய், என்ன எழுதியது என்று எனக்கு தெரியாது ", என்று கூறி உங்களுடைய பழைய பதிவொன்றில் பின்னூட்டமிட்டிருந்தார். நாங்கள் அதற்கு பதில் கூறி, இஸ்லாத்தில் இருக்கும் ஓட்டைகளை சுட்டிக்காட்டினோம். ஒன்றரை மாதங்களுக்கு பிறகு திடீரென்று ஞானம் வந்து இஸ்லாத்தைத் தூக்கிப் பிடிப்பவர்கள் மதவெறியர்களா? இஸ்லாத்தில் இருக்கும் ஓட்டைகளை சுட்டிக்காட்டிய நாங்கள் மதவெறியர்களா?

// அவர்கள் நாத்தீகவாதிகளாக இருக்கும் பட்சத்தில் அவர்கள் எழுதும் பதிவுகளில் எல்லா மத கடவுள்களும் குறிப்பாக அதிகஅதிகமாக அவர்களின் பிறப்பு மதம் சார்ந்த கடவுள்கள் தாக்கப்பட்டிருக்க வேண்டும். //

இங்கே அனைத்து மதங்களின் கடவுள்களும், அவர்தம் கோட்பாடுகளும் விமர்சிக்கப்படுகின்றன. மேலும், என்னுடைய பிறப்பு மதம் என்னவென்பது இஸ்லாமிய பதிவர்கள் பலருக்கும் தெரிந்த விஷயம். நான் என் பிறப்பு மதம் சம்பந்தப்பட்ட பதிவுகளையே இட்டுள்ளேன்.

//ஆனால் முழுக்க முழுக்க தாக்கப்படுவது இஸ்லாமும், இஸ்லாமிய கடவுளும், இஸ்லாமிய தூதரும் மட்டும் தான். //

எங்கள் தளத்தையும், அதில் இருக்கும் அனைத்துப் பதிவுகளையும் நன்றாக பாருங்கள். எல்லா மதங்களும் விமர்சிக்கப்பட்டுள்ளன.

//ஆக நாத்தீகன் என்பது ஒரு பச்சை வேசம் என தெரிந்து விட்டது. இவர்கள் உண்மையான ஹிந்துக்களும் கிடையாது. //

இங்கு யாரும் ஹிந்துக்கள் கிடையாது. எங்கள் நால்வருக்குமே பிறப்பு மதங்கள் வெவ்வேறானவை.

//மாலேகான் பெண் சாமியார் பிரக்யா சிங் போன்றவர்கள் பெரிய அளவில் செய்யும் வேலைகளை இவர்கள் இங்கே சிறிய அளவில் செய்து கொண்டு இருக்கிறார்கள்.//

அதிராம்பட்டிணத்தாரைப் பற்றி 'ஆட்டைக் கழுதையாக்கிய கதை' கூறும். UFO என்னும் பெயரில் பின்னூட்டமிடுவரின் ஊர் தெரியும். நீங்களும், அதிரைக்காரர்தானா? ஏதேனும் கற்பனை கதை ஒன்றைக் கூறி, மீண்டும் மீண்டும் அதை சொல்லி, உண்மைப் போன்று தோன்ற செய்யும் முயற்சி நன்றாகத் தெரிகின்றது.

//சம்பந்தப்பட்ட பதிவுகளில் எழுதுபவர்களின் எழுத்துக்களைப் படிக்கும் போது இவர்களை பெரிய அறிஞர்கள் என நீங்கள் நினைத்துக் கொண்டால் உங்களைப் போன்ற முட்டாள்கள் இந்த உலகத்திலேயே இல்லை. அனைத்துமே அறைகுறைகள் தான். //

குர் ஆனிலிருந்து நாம் முன்வைத்த வாதங்கள் எதற்கும் பதிலில்லை. உங்கள் தரப்பிலிருந்து யாரேனும் ஒரு அறிஞர் வந்து எங்கள் விளக்கங்கள் தவறு என்று நிரூபிக்கட்டுமே. குர் ஆன் சம்பந்தமாக நாம் பேசியதை மறுத்துக் கூற இதுவரை யாரும் வரவில்லை.

//நான் குரானைப் படித்துவிட்டேன், பைபிளைப் படித்துவிட்டேன், கீதையை படித்துவிட்டேன் என சும்மா சொல்வார்கள். ஆனால் இவர்கள் குரானையும் பார்த்திருக்க மாட்டார்கள், பைபிளையும் பார்த்திருக்க மாட்டார்கள்.//

உங்கள் தரப்பு ஆட்கள்தான் குர் ஆனில் ஒரு வசனத்தைக் கூட படிக்காமல், குர் ஆனில் தவறுகளே இல்லை என்னும் ரீதியில் பேசிக்கொண்டிருப்பார்கள். அய்யூப் சவால் விட்டு கேட்டார். நாம் வசனங்களை அளித்துவிட்டோம். அடைப்புக்குறிகளை தேடிக்கொண்டிருக்கின்றார்.

//கொலை செய்பவனை விட அதைத் தூண்டுபவனுக்குத் தான் தண்டனை அதிகம் என இந்திய சட்டம் சொல்கிறது. அந்த தூண்டும் வகையைச் சார்ந்த சிலரின் எழுத்துக்களுக்கு பதில் சொல்கிறேன் என நினைத்து அந்த சதியிலே நம் சகோதரர்கள் சிக்கிக் கொள்ள வேண்டாம் என வேண்டுகோள் வைக்கிறேன்.//

இங்கு நாம் என்ன சதி செய்துவிட்டோம்? இஸ்லாம் குற்றம் குறைகள் அற்றது என்று நீங்கள் கூறுகின்றீர்கள். அவற்றில் இருக்கும் ஓட்டைகளை நாங்கள் சுட்டிக்காட்டுகின்றோம். உங்களுக்கு பதில் தெரியாவிட்டால், தெரியவில்லை என்று ஒத்துக்கொள்ளுங்கள். அதை விடுத்து வேறு ஏதேதோ உளறிக்கொண்டிருக்காதீர்கள்.

//டாக்டர் அப்துல்லாஹ்: அவரின் பத்து வருட ஆராய்ச்சியின் முடிவு அவரை இஸ்லாத்தின் பால் இணைத்து விட்டது.//

இஸ்லாத்திற்கு முன்னர் அவர், பௌத்த மதத்தில் இருந்தாரே! அதை மறைத்துவிட்டீரே! அதற்கு முன்னர் எண் கணிதத்திற்கு சொம்பு தூக்கினாரே! அதை மறைத்துவிட்டீரே! எண் கணிதத்திற்கு சொம்பு தூக்கியபோதே தெரியவில்லையா, காசு கொடுத்தால் என்ன வேண்டுமானாலும் செய்வார் என்று? நீங்களே அவருடைய ரேட்டையும் போட்டுவிட்டீர்கள். நன்றி.!

//அவர்களைப் போன்ற பேச்சாளர்கள் ஆராய்ச்சியாளர்கள் எல்லாவற்றையும் முழுமையாக படித்து குரானிலே தவறு இருக்கிறது, ஹதீஸ் இப்படி கூறுகிறது.....என எழுதினாலோ அல்லது பேசினாலோ அவர்களைப் போன்ற அறிவாளிகளிடத்திலே உங்களின் வாதங்களைப் புரியுங்கள்//

வினவு தளத்தில் அவரோடு பேச முயற்சித்ததைப் பற்றி ஒரு பதிவிட்டிருந்தார்களே. பார்க்கவில்லையா? யாரோடும் பேச விடாமல், யாரையும் சந்திக்க விடாமல், கூண்டுக்குள் வைத்துக்கொண்டு அவரது பேரை வைத்து வியாபாரம் செய்கின்றீர்.

//மூன்று பேர்களிடம் வாதம் செய்யமுடியாது. 1) அரசன் 2) அடிமுட்டாள் 3) பைத்தியக்காரன். நீங்கள் வேலை மெனக்கெட்டு வாதம் செய்பவர்களில் யாருமே அரசன் இல்லை. அப்படியானால் என்ன வகை என்று தெரிந்துமா அவர்களிடம் உங்களின் நேரத்தை வீணடிக்கிறீர்கள்?//

ஜமுக்காளத்துல வடிகட்டுன ஆசாமி சொல்லுறாருப்பா நம்மள பத்தி.

//இறைவனின் ஏகத்துவ ஒளியை தங்களின் வாய்களால் ஊதி அணைக்க நினைக்கிறார்களா என இவர்களைப் பற்றிய வசனம் ஏற்கனவே இருக்கிறது.//

முக்காலமும் தெரிந்த அல்லாஹ்வுக்கு நோர்வேயைப் பத்தி தெரியலையான்னு கேட்ட கேள்வி அப்படியே இருக்கு. பதிலில்லை. ஆனாலும், நம்மளைப் பத்தியும் குர் ஆன்ல சொல்லி இருக்காம். இருக்கட்டும். இருக்கட்டும்.

// அந்த உலகலாவிய வளர்ச்சியை ஒரு கீ போர்ட்டில் டைப் செய்து தடுத்துவிடப்போகிறார்களா இவர்கள்?//

உலகளாவிய வளர்ச்சி இருக்குறப்ப, என்னமோ நாளைக்கி இஸ்லாம் அழியப்போற மாதிரி உங்க ஆளுங்க வரிஞ்சிக்கட்டிக்கிட்டு நிக்கிறாங்களே. ஏன்?

//"தி ஹன்ட்ரட்" (உலகின் 100 சிறந்த மனிதர்கள்) என்ற நூலை எழுதிய ஒரு கிருத்தவ எழுத்தாளர் அதிலே முதலிடத்தில் முகமது நபியை வைத்து விட்டு //

ரொம்ப நாளா, அந்த நூலை பற்றி ஒரு பதிவு போடணும்ன்னு நெனைச்சிக்கிட்டிருந்தேன். நினைவூட்டியதற்கு நன்றி!

//இவர்கள் நேரடியாக இறைவனிடம் போர் புரியத்துடிக்கிறார்கள். அவர்களுடன் அவனே போர் செய்யட்டும். அதனால் தயவுசெய்து இஸ்லாமிய நண்பர்கள் அவர்களுடன் வாததில் ஈடுபடவேண்டாம் என அன்புடனும் உரிமையுடனும் கேட்டுக்கொள்கிறேன். //

எப்ப வருவாரு? ஆவலா காத்துக்கிட்டு இருக்கோம்.

//அது பொதுகழிப்பிடம். அங்கே இருப்பவர்கள் அந்த வாசனையில் சோறு சாப்பிடக்கூடிய்வர்கள். அவர்களிடம் நீங்கள் வாதத்திற்கு போனால் அவர்கள் அங்கே கிடப்பதை எடுத்துத் தான் உங்கள் மீது வீசுவார்கள். அப்போது அந்த வாடை உங்கள் மீதும் வீசும். //

எங்களுடைய முந்தைய பதிவொன்றில் கழிந்துவிட்டு சென்றது யார் என்பது எல்லோருக்கும் தெரியட்டும் என்றுதான் அவற்றை அப்படியே விட்டுவைத்திருக்கிறோம்.

//அவர்கள் உங்களின் மீது ஏற்றிவிடும் வெறியை நீங்கள் தணித்துக்கொள்ள தேடுவது அவர்களின் தாய், சகோதரி, மனைவியை. //

கழிந்ததை இங்கே ஒத்துக்கொள்கின்றீர். உங்களுடைய மதவெறி அப்படி நடக்க வைக்கின்றது. ஆனால், எங்களை மதவெறியர்கள் என்று கூறுகின்றீர்கள்.

//நாளையே அவர்களை உங்களை விட சிறந்த சமுதாயமாக இறைவன் மாற்றிவிடுவான்//

சமுதாயம் என்னும் வார்த்தையை, இஸ்லாம் என்னும் அர்த்தத்தில் நீங்கள் பயன்படுத்தியிருந்தால், இது கனவு எண் 1 . உங்கள் கனவைப் பற்றி பதிவின் கடைசியில் கூறுகின்றேன்.

//இந்திய-தமிழக அரசுக்கும்... சி.பி.ஐ., ரா போன்ற உளவுத்துறைக்கும் ஒரு அன்பான அவசர வேண்டுகோள்... //

எப்பொழுதும் அல்லாஹ்விடம்தானே, துஆ கேட்பீர்கள். இப்பொழுது என்ன அரசாங்கத்திடம் கோரிக்கை? ஓ! அல்லாஹ் என்ற ஒன்று இல்லைஎன்று நீங்களும் தெரிந்து கொண்டீர்களோ!

//இந்த பயங்கரவாதிகளை தயவு செய்து கண்காணியுங்கள்... இவர்களின் பின்னணியில் மிகப்பெரிய ஆயுத வியாபாரிகளையும், வெடி குண்டு வியாபாரிகளையும் பிடிக்கலாம் என்று நினைக்கிறேன்.... //

எப்பொழுதுமே பதில் சொல்ல இயலாவிட்டால், வேறு ஏதாவது சொல்லித் திட்டுவீர். இப்பொழுது மிரட்டலா?

--------------*********************--------------

நிஜாமின் பதிவுக்கு பதில் எழுதி வைத்துவிட்டு, இணையத்தில் மேய்ந்து கொண்டிருந்தபோது, நம்ம டோண்டு அவர்களின் பதிவு ஒன்றை பார்த்தேன். அவரும் தனது கனவொன்றை அங்கே வெளியிட்டிருந்தார். அவரது பதிவில் பலவற்றிற்கும் பதில் சொல்லவேண்டியிருந்தாலும், அவரது கனவை மட்டும் பார்ப்போம்.

(டோண்டுவின் கருத்துகள் சிகப்பு நிறத்தில் உள்ளன)

//வால்பையன் சொன்னாலும் சொல்லாவிட்டாலும் அவர் ஒரு ஹிந்துதான். இம்மதத்தில்தான் நாத்திகர்களும் இருக்கவியலும். சார்வாக மகரிஷி, ஜாபாலி ஆகியோர் பேசியதை/எழுதியதைக் கருதும்போது வால்பையன் ஜுஜூபி.

இதே மாதிரி பேசிய கண்ணதாசன் பிறகு இரட்டிப்பு வேகத்தோடு கண்ணன் காட்டிய வழியினுள் வந்தார், அர்த்தமுள்ள இந்து மதம் எழுதினார். அதே போல வால்பையனுக்கும் பிராப்தம் இருந்தால் அப்படியே நடக்கட்டுமே, என்ன போச்சு”?//

இது டோண்டுவின் கனவு. நாத்திகர்கள் இந்து மதத்தைத் தழுவுவார்கள் என்று டோண்டு கனவு காண்கின்றார். நாத்திகர்கள் இஸ்லாத்தைத் தழுவுவார்கள் என்று நிஜாம் கனவு காண்கின்றார்.

கனவு காணும் வாழ்க்கை யாவும்....