பூக்காரி - பைத்தியகாரத்தனமான பாலிடிக்ஸ்

நர்சிம் - இன் கேவலமான ஒரு பதிவு; அதைத் தொடர்ந்து நடந்த களேபரங்கள் - இது வரையிலும் வெளிவந்துள்ள பதிவரசியல் காய் நகர்த்தல்கள் என இந்த வாரத்தில் அதகளப் பட்டன தமிழின் முன்ணணி திரட்டிகள்....

இறுதியில் மலிவாக நீர்க்கச்செய்யப்பட்ட விடயத்தின் ஒரு டிரைலர்...


நர்சிம் மன்னிப்பு கேட்டு போட்ட பதிவப் பாக்கணுமே யப்பா! இங்கே பதினஞ்சு நாள் ஆகலாம் படிச்சு முடிக்க! ”எல்லாத்துக்கும் வணக்கம் பந்தி பின்னாடி நடக்குது சாப்புட்டு போங்க”ங்கற ரேஞ்சுல ஒரு நாலு வரி... அடுத்த பக்கம் அண்ணன் உண்மைத் தமிழன்; மேட்டருக்கு யாரு வேணா பஞ்சாயத்து பண்ணலாம் ஆனா என்னோட எதிரிக மட்டும் பண்ண உடக் கூடாது... அல்லாரும் வினவ எதிர்த்து போராடுவோம்னு லூசுத்தனமா சொல்லிட்டு இருக்காரு... அது போக ரெண்டு பேரையும் பேச வைக்கறதா ஒரு அண்ணா மறுமலர்ச்சித் திட்டமும் சொல்லி இருக்காரு.இங்கே

இன்னொரு சைடு ஷோபா ஷக்தி இங்கே இன்னைக்கி நல்ல நாட்டியம் பேசும் வினவு லீனா மணிமேகலையை அன்னைக்கி வன்புணர்ச்சி செய்தது நியாயம்னா இதுவும் நியாயம் தான்ங்கற தொனியில அவர் ஒரு கோல போட்டு இருக்காரு....

பைத்தியக் காரன்இங்கே பிரச்சனைக்குரிய வினவு பதிவை எழுதியதே அவர்தான் என்ற ஊகங்கள் நிழலாடும் நிலையில் ஆதரிப்போம் வாருங்கள் வினவை ! என பதிவிட்டு இருக்கிறார்.

அடுத்து சுகுணா திவாகர் ! எப்பிடி நைனா இப்பிடி நடிக்கற என பைய்த்தியக்காரனை வினவி இட்ட பதிவில்
இங்கேபைத்தியக்காரன் எழுதிய ரஃப் டிராப்ட் என டிங்கரிங் செய்யப்படாத கட்டுரையை பிரசுரித்திருக்கிறார்.

நெக்ஸ்டு மங்களூர் சிவா!இங்கே பெண் பதிவர்களிடம் ‘ஜொள்ளு’ விடுவதில் யார் முதன்மையானவர் என்று போட்டி வைத்தால் மங்களூர் சிவா உட்பட பலருக்குள் அடிதடியே நிகழும். // மேற்படி லிஸ்டில் தன்னை லாஸ்டாக சேர்த்ததன் காரணத்தை வினவு கண்டிப்பாக சொல்ல வேண்டுமென்று கேட்டு பதிவிட்டு இருக்கிறார். அதில் அவரது கடுங்கோபம் எரிமலையாகக் கொப்பளிக்கிறது. வினவு இதற்கு பதிலளிக்க கடமைப் பட்டிருப்பதாக வால் பையன் வேறு பரிந்துரை செய்திருக்கிறார். அவரும் தன் பங்கிற்கு நசுங்கும் சொம்புகள் என்ற தலைப்பில்இங்கே குமுறித் தள்ளியாகிவிட்டது.

இங்கு இந்த பிரச்சனையை வைத்து பெருந்தலைகள் பல இங்கு தத்தம் வலையுலக எதிரிகள் மீதான பழய பகையுணர்வைக் கொட்டி பகடை ஆடியது தான் மிச்சம். ஒருவன் மாட்டிக் கொண்டால் வறுத்தெடுப்பது என்பது இங்கு இயல்பான ஒன்று தான் ஆனால் அதை வைத்து டைமிங்காக அரசியல் செய்திருக்கும் ஒவ்வொருவரையும் பார்க்கையில் பிரமிப்பாகவே உள்ளது.

இது பதிவுலகில் ஜென்மப் பகைகளை தீர்த்துக்கொள்ளும் சிலரின் நாடக வசன கதையாக இருக்கும் பட்சத்தில் பலிகடாவானது நர்சிம்மோ , முல்லையோ என்பதை விட ஏதுமறியாமல் தமிழில் டைப்ப கூட தெரியாமல் திரட்டிகள் மூலம் வாசிக்கும் எண்ணற்ற வாசகர்களே.


இது நர்சிம் மீதான பகை தீர்க்கும் முயற்சி என பைத்தியக்காரன் சொல்லக்கூடின் அங்கு அனாவசியமாக மங்களூ சிவா, குசும்பன் என கலந்து கட்டி வன்மம் தீர்க்க வேண்டிய அவசியமென்ன?

இவை உண்மையாகின் நர்சிம்மின் புனைவுக்கும் இவரது பகடைக்கும் யாதொரு வித்யாசமும் காண இயலவில்லை என்னால்.

சில வருடங்களுக்கு முன்பு வரை ஆசைக்கு பேப்பரில் எழுதி பொட்டிக்குள் வைத்துக்கொண்டிருந்த எழுத்துக்களை இன்றைய வலையுலகில் சில நூறு பேர் படிக்கிறார்கள் என்பதால் உச்சத்தில் ஏறி அமர்ந்த கொழுப்பின் விளைவே இது! அன்று மலம் துடைக்க மட்டும் பயன் பட்டிருக்கக் கூடிய காகிதத்தை இன்று மகோன்னத படைப்பாய் கருதும் பதிவர்களின் தோற்ற மாயை படிப்பவர்களை வாசகனாகவும் தன்னை மாபெரும் எழுத்தாளனாகவும் கற்பிதம் செய்யக் கற்றுக் கொடுத்திருக்கிறது.

கால் நிலத்தில் பட நடக்க மறந்து விட்டனர் இன்று பாவம்... சும்மா இருக்கும் போதே இந்தக் கூத்தெனில் இனி சங்கம் கழகமெல்லாம் வந்தால் எப்படி இருக்கும்? இன்றைய நாளிலேயே பல பதிவர்களுக்கு பதிவர் என்ற பதமே பிடிப்பதில்லை பெயருக்குமுன் எழுத்தாளர் என சேர்த்திக் கொண்டால்தான் சோறே இறங்குகிறது போல.

முன்பொருமுறை சாரு நிவேதிதா என்பவன் “வலைப் பதிவர்கள் எழுத்தாளர்கள் அல்ல என சொன்னதை மெய்ப்பிக்கவோ; அல்லது எழுத்தாளர்களுக்கு கொஞ்சமும் சளைத்தவர்களல்ல என பாலிடிக்ஸ் செய்யவோதான் இவ்வளவும் நடந்தேறு கின்றன போலும்! 

ஒரு சில நாட்கள் சென்ற நிலையில் இன்றைக்கு பூக்காரி மேட்டர் அடைந்திருக்கும் பரிணாம மாற்றம் அபரிமிதமானது. அடிச்ச காத்துல துணி உலர்த்திய பதிவர்கள் மத்தியில் காத்தாடி வெச்சு கரண்ட் எடுக்கும் கில்லாடிகளிடமிருந்து வலையுலகம் இனி கற்க வேண்டியவை ஏராளம் ஏராளம்.