சிலுவைக் கதையின் சில்மிஷங்கள்! - 1

ஆபிரஹாம மதத்தின் (அண்டர்) வேரே அதன் வேத புத்தகம் தான்! ஆபிரஹாம மதத்தின் வழி தோன்றலாக யூதர், கிறிஸ்தவர், இஸ்லாமியர் என பல பிரிவுகளாக இருந்தாலும் அவர்கள் அனைவருக்கும் வேத புத்தகம் இல்லாமல் ஒன்றும் பண்ணமுடியாது!, வந்தவன் போனவனெல்லாம் வாய்க்கு வந்ததை ஏற்படுத்திக் கொண்டபடியால் அதில் பழசு புதுசு என இரண்டு ஏற்பாடுகள்! உருவவழிபாட்டை கிண்டல் செய்யும் ஆபிரஹாம மதத்தினர் வேதபுத்தகத்தை மட்டும் மண்டையில் வைத்து ஆடுவீர்களா என்றால் ”அப்பாலே போ சாத்தானே” என்பார்கள்! இவர்கள் மட்டும் பேப்பருக்கு இம்புட்டு மரியாதை கொடுப்பார்களாம், மற்றவர்கள் கொடுத்தால் அவர்கள் காஃபீர்களாம்!, இருக்கட்டும், நாம் எல்லா மதத்தையும் கடவுள்களையும் எதிர்ப்பதால் அவர்களை இம்மதத்தினர் என்று குற்றம் சாட்டாமல் அவர்களது வேதத்தையே கேள்விக்கு உள்ளாக்குவோம்!


ஆபிரஹாம மதத்தின் மூலம் பழைய ஏற்பாடு, உள்ளது சிறத்தல் என்னும் பரிணாம பாணியில் 3000 வருடங்களுக்கு முன் தோன்றிய ஆபிரஹாம மதத்தின் வேதங்கள் கடைசியாக வந்த இஸ்லாம் மத்ததில் அப்போதிருந்த கால கட்டத்திற்கு ஏற்றவாறு மாற்றம் கண்டது! அதிலும் ஆயிரதெட்டு நொட்டைகள், இருந்தாலும் தற்பொழுது பழைய ஏற்பாட்டில் இருந்து ஆரம்பிப்பதே உத்தமம், காரணம் எல்லா ஆபிரஹாம மதமும், ஆதியில் தேவன் வானத்தையும், பூமியையும் படைத்தார், ஆறாம் நாள்(!?) மனிதனை படைத்தார் என்ற படைப்புவாத கொள்கையை தான் நம்புகிறது!, ஆக, ஆதியில் இருந்து கிழித்து வந்தால் தான் டவுசர் மீண்டும் தைக்க முடியாமல் கிழியும்!


*******************

முதல் பஞ்ச்சே ஆதியிலே தேவன் வானத்தையும் பூமியையும் படைத்தார் என்பது தான்!, ஆதி என்றால் எது?(விஜய் படமா?) அதற்கு முன் தேவனே இல்லையா அல்லது காலம் இல்லையா!? ஆதியில் தேவன் படைக்கும் முன்னர் என்ன பண்ணிகிட்டு இருந்தார்?(கோரஸா யாருப்பா செரச்சுக்கிட்டு இருந்தார்னு சொல்றது?) , எல்லாவற்றிற்கும் காரணம் சொன்ன வேதம் அதற்கு முன் தேவன் என்ன செய்தார் என்று ஏன் சொல்லவில்லை!, மேலும் வானத்தையும் பூமியையும் படைத்தார் என்றால் பூமி மட்டுமே இருந்தது என்று தானே அர்த்தம், வானம் என்று எதனை குறிப்பிடுகிறது வேதம்? வானம் என்ற வெற்றிடம் படைக்கபட்டது என்றால் அதற்கு முன் என்ன இருந்தது!?


3. தேவன் வெளிச்சம் உண்டாகக்கடவது என்றார், வெளிச்சம் உண்டாயிற்று.
இது மூன்றாம் வசனம், வெளிச்சம் உண்டாயிற்று என்றால் சூரியனை சொல்கிறது என்று நினைக்கிறேன்! அப்போ அதுக்கு கடவுள் பேரு வைக்கல போல!, ஐந்தாம் வசனத்தில் வெளிச்சத்திற்கு பகல் என்று பெயரிடுகிறார்! அப்பக்கூட சூரியன் என்று பெயரிடவில்லை! வேதத்தின் கூற்றுபடி தூங்காநகரம் எல்லாம் பகல் என்று தான் இரவையும் குறிப்பிட வேண்டும் போல, சரி துருவ பகதிகளில் வெப்பமில்லாமல் வெளிச்சம் மட்டும் இருக்குமே, அங்கே இரவு பொழுது மிக குறைவானதாயிற்றே, ஏன் துருவம் வரைக்கும் நார்வே தெரியுமா, அங்கே பகல் பொழுது எவ்வளவு நேரம் தெரியுமா!? அதையெல்லாம் யார் படைத்தது?



7. தேவன் ஆகாய விரிவை உண்டு பண்ணி, ஆகாயவிரிவுக்குக் கீழே இருக்கிற ஜலத்திற்கும் ஆகாயவிரிவுக்கு மேலே இருக்கிற ஜலத்திற்கும் பிரிவுண்டாக்கினார்; அது அப்படியே ஆயிற்று.

இது ஏழாவது வசனம், இங்கே வேதம் சொல்லவருவது வானத்திலிருந்து வரும் மழையை, அப்போதெல்லாம் நீர் ஆவியாகுதல் பற்றி தெரியாது, ஆனால் பரிசுத்த ஆவி மட்டும் தெரியும்!, ஆதியிலேயே வானத்தில் நீர் இருந்தது போலவும், அவை தேவைகேற்ப அப்பப்ப மழையாக பொழிவது போலவும் அன்றிருக்கும் அறிவுக்கு ஏற்ப அந்த வசனம் எழுதப்பட்டிருக்கிறது! சரி அன்னைக்கு தான் புத்தியில்ல, இன்று வரைக்குமா அறுந்த டவுசரையே இழுத்து புடிச்சுட்டு திரியறது!


16. தேவன், பகலை ஆளப் பெரிய சுடரும், இரவை ஆளச் சிறிய சுடரும் ஆகிய இரண்டு மகத்தான சுடர்களையும், நட்சத்திரங்களையும் உண்டாக்கினார்.

உலகமகா முரணான வசனம், முதல் அதிகாரம் 16 ஆம் வசனத்திலேயே வந்துவிட்டது!
வெளிச்சம் ஏற்கனவே இருக்கு என்றும், அதனை ஆள சூரியன் படைக்கப்பட்டது என்றும் இந்த வசனம் சொல்கிறது!, அதாவது வெளிச்சத்திற்கும் சூரியனுக்கும் சம்பந்தமில்லை, அது சும்மா வேடிக்கை பார்க்கவே படைக்கப்பட்டது, அதே போல் சந்திரனும் ”உல்லுல்லாயிக்கி” படைக்கப்பட்டது! அதாவது அது சின்ன சுடர், அதன் ஒளி இயற்கையிலேயே அதில் உண்டு!, அதே கேள்வி தான் இங்கும்!, அன்னைக்கு தான் புத்தியில்ல, இன்று வரைக்குமா அறுந்த டவுசரையே இழுத்து புடிச்சுட்டு திரியறது!


20 திலிருந்து 25 வரை வேதம் படைப்புவாத கொள்கையை பறைசாற்றுகிறது, அதை என்னுடய பரிணாமம் பதிவில் விளக்கி கொண்டிருப்பதால் அடுத்த கேலிகூத்துக்கு போவோம்!

*****

தேவனாகிய கர்த்தர் உண்டாக்கின சகல காட்டு ஜீவன்களைப் பார்க்கிலும் சர்ப்பமானது தந்திரமுள்ளதாயிருந்தது.

இது மூன்றாம் அதிகாரம் முதல் வசனம்! தன்னால் உருவாக்கப்பட்டவைகளிலேயே தன் சாயலிலேயே மனிதனை உருவாக்கினார் என்ற வசனம் இருக்கிறது, இதன் மூலம் கடவுள் மனித சாயலில் இருப்பார் என்பது நிரூபணமாகிறது!, அத்தனை முக்கியத்துவம் வாய்ந்த மனிதனை விட சர்ப்பம் தந்திரம் வாய்ந்ததாக இருந்தது என்பது மிகப்பெரிய முரண்பாடு, அதாவது கடவுளுக்கே கடுக்கா கொடுக்கும் உயிர் அப்போது இருந்தது என்கிறது இந்த வசனம்! இதை எப்படி நம்ப முடிகிறது இன்றும், அன்னைக்கு தான் புத்தியில்ல, இன்று வரைக்குமா அறுந்த டவுசரையே இழுத்து புடிச்சுட்டு திரியறது!




14. அப்பொழுது தேவனாகிய கர்த்தர் சர்ப்பத்தைப்பார்த்து: நீ இதைச் செய்தபடியால் சகல நாட்டு மிருகங்களிலும் சகல காட்டுமிருகங்களிலும் சபிக்கப்பட்டிருப்பாய், நீ உன் வயிற்றினால் நகர்ந்து, உயிரோடிருக்கும் நாளெல்லாம் மண்ணைத் தின்பாய்;

நன்றாக கவனியுங்கள் இந்த வசனத்தை, சபிக்கபட்ட பின்னே அது வயிற்றினால் நகர்கிறது, அப்படியானால் அதற்கு முன் கால் இருந்தது, சரி மண்னை தின்பாய் என்றால் என்ன அர்த்தம் பாம்பு இபொழுது என்ன மண்ணையா தின்கிறது!, என் நண்பன் ஒருவன் சொல்லுவான், அப்பொழுது சர்ப்பம் என்று குறிப்பிட பட்டது குரங்காம், அதனால் தான் மனிதனுக்கு அடுத்த வளர்ச்சியில் அது இருக்காம்!, பிறகு ஏண்டா அது காலில் நடக்கிறது என்றால் இளிப்பான்!

********************


பெருசா போச்சு!, இன்னும் நிறைய கிழிக்க வேண்டிருக்கும்படியால் இது தொடராக வரும்!, பின்னால் இவை மட்டுமில்லாமல் அனைத்து வேதங்களும் டவுசரவுக்கப் படும்!