ஓ மகசீயா - ஒரு உன்னத மார்க்கம்

VJ - வீடியோ ஜாக்கி

--------------------

M TV ல் Top 10 Songs நிகழ்ச்சிப் பற்றி ஒரு மீட்டிங் நடைபெறுகிறது. முதல் இடத்தைப் பிடிக்கும் பாடல் என்று "ஓ மகசீயா" பாடலை நிகழ்ச்சியின் VJ அறிவிக்கிறார். அங்கே நடைபெறும் உரையாடல்கள்.

செந்தில்: அண்ணே! எப்படிண்ணே இந்தப் பாட்ட முதல் இடத்தைப் பிடிக்கிறப் பாட்டுன்னு சொல்ல முடியும்.? இந்தப் பாட்டுல எதுவுமே புரியலையேண்ணே!

கவுண்டமணி: டேய் ஆம்லேட் மண்டையா உனக்கு எந்தப் பாட்டுதான்டா புரிஞ்சிருக்கு? உனக்கு மட்டுமில்லடா, எந்தப் பாட்டெல்லாம் யாருக்குமே புரியலையோ அதெல்லாம் Tops Songs தாண்டா. இல்லைங்களா VJ?

VJ: இந்தப் பாட்டு உங்களுக்கு ஏன் புரியலேன்னா, அது குருவி மொழில எழுதுனது.

சந்தானம்: எது, சோத்தாங்கைப் பக்கமிருந்து  பீச்சாங்கைப் பக்கம் எழுதுவாங்களே , அந்த மொழியா?

VJ: நான் அந்தப் பாட்டோட அர்த்தத்த தமிழ்ல சொல்லுறேன். அதக் கேட்டா நீங்களே இதுதான் Top Song ன்னு ஒத்துக்குவீங்க. இப்ப முதல் வரியப் பாருங்க "ஓ மகசீயா ஓ மகசீயா". அப்படின்னா நீங்க உங்க கிட்னியால சிந்திக்கிறீங்க அப்படின்னு அர்த்தம். இது மாதிரி அறிவியல் விளக்கம்ல்லாம் குடுக்குற வேற ஏதாவதுப் பாட்டு இருக்கா?

சந்தானம்: அடங்கொக்க மக்கா! எந்தச் சட்னி சாப்பிடுறதுன்னு நான் பட்டினில சிந்திச்சிருக்கேன்; ஆனா சத்தியமா கிட்னியால சிந்திச்சதில்ல.  இந்த அறிவியல் வாத்தியாருங்க சம்பந்தமில்லாம மூளையால சிந்திக்கிறோம்ன்னு சொல்லிக் குடுக்குறாங்களே, அவங்கள நாடுக் கடத்திருவோமா?

VJ: நீங்க சரியா வெளங்கிக்கலே. அந்தப் பாட்டுலயே ரெண்டாவதுத் தடவை சொல்லுறது மூளையால சிந்திக்கிறீங்க அப்படிங்கறதுதான்.

சந்தானம் : டேய் என்னை விடுங்கடா. நான் இந்த TVய விட்டே ஓடிப்போயிடுறேண்டா. 

VJ: எத்தனை வருஷம் ஆனாலும். இந்தப் பாட்டு எல்லாக் காலத்துக்கும் பொருந்தி வரும். நல்லாக் கேளுங்க. 

கவுண்டமணி: யு கேரி ஆன் VJ சார்.

VJ: கிட்னி எங்க இருக்கு? உடம்புல. மூளை எங்க இருக்கு? அதுவும் உடம்புலதான் இருக்கு. அப்படின்னா என்ன அர்த்தம்? கிட்னி இருக்கும் உடம்புல இருக்கும் மூளையால சிந்திக்கிறீங்க அப்படின்னு அர்த்தம்.

சந்தானம்: இவர் VJ யா? பெரியார் தாசனா? இப்படி கொழப்புறாரு. 

VJ: இன்னொரு வரி வருது பாருங்க "நாக்க முக்க நாக்க ஓ ஷக்கலாக்க" 

சந்தானம்: அப்படின்னா என்னங்க அர்த்தம்? நாக்கு மூக்குக்குக் கீழ இருக்குன்னா?

VJ: இல்லை. முழுசா மூதாட்டி  மூதேவி  மண்டைல  மூத்திரம் பேஞ்சுரும்னு அர்த்தம்! 

முதல் மரியாதை வீராச்சாமி: அய்யா எனக்கு ஒரு உம்மை தெரிஞ்சாகனும்.

செந்தில்: மண்டைல எப்பிடி பேயும்னு  கேக்கறாரு சொல்லுங்க .

கவுண்டமணி:  க்காளி  பறந்து பறந்து பேயும் ! இதெல்லாம்  ஒனக்கு  தேவையாடா ? மூடிட்டு  சொல்றத கேளு

சந்தானம்:அப்பப்ப வந்து பெய முடியுமா ? ஒளராதீங்க கவுண்டமணி சார். நம்ம VJ சொல்லுவாரு பாருங்க.

VJ: இல்லை நீங்க நல்லா வெளங்கிக்கணும். அதுக்குதான்  நம்மளோட  ரெண்டு தோள் பட்டைலையும்  ஜலக்கு மாரிங்க  ரெண்டு பேரு  எப்பவும் உக்காந்து இருப்பாங்க. நம்ம கண்ணுக்கு தெரிய மாட்டாங்க. அவங்கதான்  பேஞ்சு விட்டுடுவாங்க

சந்தானம்: அப்பவே எங்க ஆத்தா சொன்னுச்சு. அந்த VJ வேலை செய்யற TV ல சேராதேன்னு. கேட்டனா?  

VJ: இன்னொரு வரியையும் கேளுங்க. 'அசிலி பிசிலி இல்லாஹி ஹப்பான் ஜிப்பான்' 

சந்தானம்: அப்பாடி ஜப்பான்னு ஒரு நாடு இருக்குறதுத் தெரியாது போல; இல்லன்னா ஹப்பான் ஜிப்பான் ஜப்பான் அப்படின்னு இன்னும் நீட்டி இருப்பாங்க .

VJ: நீங்க குருவி மொழியோட அழகைப் பத்தி தெரிஞ்சிக்கிட்டீங்கன்னா இப்படியெல்லாம் பேச மாட்டீங்க. அந்த வரி என்ன சொல்லுதுன்னா, மேகத்துலேந்து மழை வருது அப்படிங்கற அதிசயத்தை சொல்லுது.

சந்தானம்: எல்லாருக்கும் ஒத்துக்கங்கப்பா! இதுதான் Top Song அப்படின்னு. இல்லன்னா இன்னும் ஏதாவது தத்துவ முத்து உதிர்க்கப் போறாரு.

VJ: இதை விடவும் சிறப்பான வரி என்னவென்றால் 'லாலாக்கு டோல் டப்பிமா'. அதாவது வருஷத்துக்கு 12 மாதங்கள் அப்படின்னு இந்த பாடல் சொல்லுது. வேற எந்தப் பாட்டுலையாவது இந்த வரி வந்திருக்கா? 

கவுண்டமணி: ஏனுங்க VJ சார். சூரியன் அப்படின்னு ஒரு படம் வந்திச்சுங்களே! அதுல 'லாலாக்கு டோல் டப்பிமா' அப்படின்னு ஒரு பாட்டே இருக்குங்களே.

VJ: அது 'லாலாக்கு டோல் டப்பிம்மா' இது 'லாலாக்கு டோல் டப்பிமா'. ரெண்டு வரிக்கும் வித்தியாசம் வெளங்குச்சா? 

மு.ம.வீராச்சாமி: அய்யா எனக்கு ஒரு உம்மை தெரிஞ்சாகனும். 

சந்தானம்: இந்த ஆளு 25 வருஷமா இந்த ஒரு டயலாகையே திரும்ப திரும்ப பேசுறாரு. செந்தில் அண்ணே அவர் என்னதான் கேக்கப்போறாரு?

செந்தில்: லாலாக்குன்னா என்னன்னு கேக்கறாரு.

VJ: லாலாக்குன்னா குட்டை பாவாடை. அதப் போட்டுட்டு  டென்னிஸ் வெளையாண்டா சும்மா விட மாட்டோம். தொரத்தி தொரத்தி  நோன்டுவோம்; கண்ணாலத்துல பூந்து கலாட்டா பண்ணுவோம்னு அர்த்தம் -ஆனா இதுக்கு முன்னாடி எந்தப் பாட்டுலையும் இந்த வரி வந்தது கெடயாது. அதுனால இந்தப் பாட்டுதான் Top Song.

கவுண்டமணி: அய்யோடா! நான் வரலே இந்த வெளையாட்டுக்கு! மீ தி எஸ்கேப்பு!

சந்தானம்: அதான் அவரே ஓடிட்டாருல்ல; இன்னும் என்ன படிச்சிக்கிட்டு இருக்கீங்க? வோட்டக் குத்திட்டு, அப்படியே பின்னூட்டத்தையும் போட்டு கும்மில கலந்துக்கிங்க . 

*********************************

சமர்பணம்:அப்துல்லா கேர் ஆஃப் அல்லா!

உருவாக்கம்:கும்மி.