பின் நவீனத்துவமென்பது பின்னிருந்து புணர்வதாம் ....

முந்தாநாள் கேள்விப் பட்டேன் பின் நவீனத்துவமென்பது பின்னிருந்து புணர்வதாம் ....
புணர்வதென்பது கவிதையா ? வனிதையா ?
கேள்விக் குறிக்கென்ன கேடு வந்ததிங்கே ....!
ஆக, முடிவில் ரத்தம் பார்ப்பதே அதன் நோக்கம் போலும் !

சாளரம் திறந்திருந்தால் எட்டிப் பார்க்காதீர் .
தொடைகாட்டி எவளும் சிரித்து அழைக்கக் கூடும் .
சாசனம் எழுதியிருக்கிறதா என சங்குக் குழியில் தேடுவோம் !

வெங்காயமாய் உரித்துப் பார்க்க வேண்டும் உண்மையை !
உரித்துப் பார்க்க என்ன இருக்குது உண்மையில் ?- பெண்மையிலாவது....

பெண் - படுத்து எழுகையில் பாயுடன் சுருட்டி வை !
சட்டியை குடித்து விட்டு அகப்பையில் நாச்சுழட்டு ....

நக்கிக் குடிப்பதும் , சப்பிக் குடிப்பதும் மதுவல்ல .
அரை வேளை பட்டினி அதைத் தொடர்ந்து நட்ட நட்டு வெயில் நேரம் ! பிராந்தியோ ,ரம்மோ அரை புட்டி புசிப்பதா ? பருகுவதா ?
பொருத்தமான பதம் இல்லை !
சரி அடித்தால் அது ... போதை !

தனிமை வெறுமை குடிக்கையில் குதித்தோடும் !
சட்டைப் பை மிச்சப் பணம் சவமாய்க் கணக்கும் !

எதிரிலமரும் நீ எவனாகவும் இருக்கலாம் .
எரிச்சலுறப் போவதில்லை நான் ..
அறநூறு ரூபாய்க்கு வந்தவள் உறை மாட்டி விட மறுக்கையில் கூட சினக்கவில்லை நான் .... சிரித்தேன் !
இதற்கென்ன !

என்னில் பதில் பெறும் நோக்கில் வினவி விடாதே எதுவும் .... கெட்ட வார்த்தைகள் குரல் வளைஎங்கும் தொக்கி நிற்கின்றன .

தே எனத் தொடங்குவேன் , பின் வகரம் வரும்
டி என்று இழுப்பேன் , பின் யகரம் வரும் .... தேவைதானா இதெல்லாம் உனக்கு ?

என்னைத்திட்ட வேண்டுமா? பெண்ணாயிருத்தல் அவசியம் ...

மிருகன்னளையாகிவிடு !

நிர்வாண நிராயுதம்